Қайғылы жағдай 8 қыркүйекте «Аспан сити» тұрғын үй кешенінде болған. Әлеуметтік желілерде оқиға орнында түсірілген фото-видеолар тарады.
Алдын ала деректер бойынша, жас жігіт 12-қабаттағы ортақ балконнан секіріп кеткен.
Облыстық полиция департаментінің мәліметінше, аталған факті бойынша қылмыстық іс қозғалды.
«8 қыркүйекте Бесағаш ауылындағы тұрғын үй кешендерінің бірінде Алматы қаласының 20 жастағы тұрғынының өз-өзіне қол жұмсау дерегі бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған кешенді тергеу амалдары жүргізіліп жатыр. Алдын ала болжам бойынша марқұм бұған дейін де өз-өзіне қол жұмсауға әрекеттенген болуы мүмкін», – делінген ПД баспасөз қызметінің хабарламасында.
Құқық қорғау органдарының мәлімдеуінше, тергеу аяқталған соң заң талаптарына сәйкес тиісті процессуалдық шешім қабылданады.
