Оған мемлекеттік органдардың өкілдері, этномәдени бірлестіктердің жетекшілері, ҚХА мүшелері мен жастар қатысты.
Сессия барысында аудан әкімі, аудандық ҚХА төрағасы Талғат Ескендірұлы Байеділов Қазақстан халқы Ассамблеясының XXXIV сессиясында Мемлекет басшысы жүктеген тапсырмалардың орындалу барысына тоқталды.
Жиынға қатысушылардың қатарында облыстық Аналар кеңесінің төрағасы Гүлнар Сағатқызы Жошыбаева, аудандық Ақсақалдар кеңесінің төрағасы Талғат Смағұлұлы Мұқашев, «Вайнах» шешен-ингуш этномәдени бірлестігінің өкілі Зоя Кайсаровна Магамадова, аудандық орыс этномәдени бірлестігінің төрайымы Ирина Николаевна Таркова және Ассамблея жастарының мүшесі Мурат Яшаевич Нажипов болды. Олар өз бағыттары бойынша жүзеге асып жатқан жобалар мен жаңа бастамаларды таныстырды.
Кездесу аясында қоғамдағы келісім мен бірлікті нығайту, жастардың белсенділігін арттыру және этномәдени бірлестіктердің жұмысын қолдау мәселелері кеңінен талқыланды.
