Бағалау нәтижесінде жағажай 170 балдың 145,5-ын жинап, Бурабай мен Павлодар жағажайларымен бірге Қазақстанның үздік үштігіне енді.
Жағажай аумағында демалушылар үшін барлық жағдай жасалған. Мұнда:
таза су айдыны мен ыңғайлы жағалау,
құтқару қызметі мен медициналық пункт,
арнайы киім ауыстыратын бөлмелер, душ кабиналары,
жайлы демалыс аймақтары, сондай-ақ
кафе мен отбасылық инфрақұрылым қарастырылған.
Сонымен қатар экологиялық мәселелерге де ерекше көңіл бөлініп отыр. Қоқысты бөлек жинау жүйесі енгізіліп, табиғатты қорғауға бағытталған бірқатар эко-бастамалар жүзеге асырылуда.
Жоба ұйымдастырушыларының айтуынша, Қонаевтың үздік жағажайлар қатарынан табылуы өңірдің туристік әлеуетін арттырып, жергілікті тұрғындар мен қонақтар үшін қолайлы жағдай туғызбақ.
