Аталған жол Райымбек ауылы арқылы өтіп, Алматы қаласын Қаскелең, Ұзынағаш сияқты іргелес елді мекендермен байланыстырады. Өңірдің ең қарқынды жолдарының бірі саналатын бұл бағытпен тәулігіне 40 мыңнан астам көлік қатынайды. Көлік қозғалысының жоғары жүктемесін азайту мақсатында биыл жолды кеңейту жұмыстары қолға алынған.
Мамандардың айтуынша, құрылыс жұмыстары толық аяқталғаннан кейін жүргізушілер мен жолаушылар үшін қолайлы әрі қауіпсіз қозғалыс қамтамасыз етіледі.
Қазіргі таңда үш шақырым жол кеңейтіліп, жаңа жол жабыны төселуде. Жоба кезең-кезеңімен жалғасып, трассаның басқа бөліктерінде де сапаны арттыруға бағытталған жұмыстар жүргізілмек.
