Ақжүрек Таңатаров 1986 жылы дүниеге келген. Білімі жоғары. Ол Қожа Ахмет Ясауи атындағы Халықаралық қазақ-түрік университетін «дене шынықтыру және спорт» (2010 ж.), «құқықтану» (2013 ж.), «мемлекеттік және жергілікті басқару» (2015 ж.) мамандықтары бойынша тәмамдаған. Сондай-ақ 2022 жылы Шымкент университетін «педагогика және психология» мамандығы бойынша аяқтаған.
Еңбек жолын 2006 жылы Туризм және спорт министрлігінің Спорт комитетінде ұлттық штаттық командалар мен спорт резервінің нұсқаушы-спортшысы ретінде бастаған. Кейін Жамбыл облысының дене шынықтыру және спорт басқармасына қарасты мекемелерде түрлі басшылық қызметтер атқарды. Атап айтқанда, №5 облыстық мамандандырылған балалар-жасөспірімдер спорт мектебінің, Олимпиадалық резервтің облыстық мамандандырылған мектеп-интернат-колледжінің және Бұқаралық-спорттық шараларды өткізу орталығының басшысы болды.
2024 жылғы маусым айынан бастап Қазақстан Республикасы Гір және Армспорты федерациясының президенті қызметін атқарып келді.
