Еңбекшіқазақ ауданында 36 жастағы жергілікті тұрғын ұсталды. Оның иелігіндегі 4,5 гектарлық шаруа қожалығы аумағын тексеру кезінде жүгері алқабының арасына жасырылып егілген 233 түп қарасора табылды.
Сонымен қатар, арнайы жасырылған орыннан марихуана тұқымы салынған 58 пробирка тәркіленді. Барлық өсімдік үлгілері сот-химиялық сараптамаға жіберілді. Сараптама қорытындысына сәйкес, заңсыз өнімнің жалпы салмағы 49 килограмнан асқаны анықталды.
Қазіргі таңда күдіктіге қатысты қылмыстық іс қозғалды. Тергеу амалдары жүргізілуде.
