Қабылдау барысында 11 азамат өз өтініштерімен жүгінді. Барлығы 15 мәселе көтеріліп, олардың ішінде апатты үйлердің жай-күйі, әлеуметтік қолдауға мұқтаж азаматтар мәселесі, тұрғын үй кешендеріндегі құрылыс ақаулары, сондай-ақ ауылдық елді мекендердегі инженерлік және коммуналдық инфрақұрылым проблемалары кеңінен қозғалды.
Әкім әрбір өтінішке мұқият мән беріп, тиісті басқарма басшыларына нақты тапсырмалар жүктеді. Өтініштерді заң аясында қарастырып, жан-жақты шаралар қабылдау міндеттелді. Сонымен қатар, жауапты органдарға берілген тапсырмалардың орындалу барысын ұдайы бақылауда ұстау жүктелді.
Бұл – халық үніне құлақ асатын мемлекеттің бір көрінісі. Әкімдік тұрғындармен тығыз байланыс орнатып, шешімін күткен мәселелерге бейжай қарамайтынын тағы бір мәрте көрсетті.
