Министрлік мәліметінше, Таяу Шығыстағы жағдайдың ушығуына байланысты Түрікменстан Иранда тұрып жатқан шетелдік дипломаттар мен олардың отбасыларына, сондай-ақ қарапайым азаматтарға гуманитарлық көмек көрсету үшін жедел шаралар қабылдауда. Атап айтқанда, шекарадан өтуге және қауіпсіз аумақ арқылы елдеріне оралуға мүмкіндік беріліп отыр.
«Түрікменстан Иран аумағында жүрген шетелдік азаматтар мен олардың отбасыларына елден шығу үшін өз аумағын ұсынып отыр», – делінген министрліктің хабарламасында.
Ресми деректерге сәйкес, қазіргі уақытқа дейін Түрікменстан шекара бекеттері арқылы Қазақстан, Қырғызстан, Өзбекстан, Тәжікстан, Румыния және өзге де елдердің 120 азаматы Ираннан эвакуацияланған.
Түрікмен тарапы оларға көлік, азық-түлік, уақытша тұру орны және ең қажетті заттармен қамтамасыз еткен. Бұл шаралар шетелдіктердің қауіпсіздігін қамтамасыз етуге және өңірдегі шиеленіскен жағдайдан аман шығуына бағытталған.
Қазақстандықтар үшін бұл мүмкіндік – Ираннан уақытылы және қауіпсіз шығудың маңызды жолдарының бірі.
