Бұл бастама сауда-экономикалық ынтымақтастықты нығайтып, отандық брендтердің Қытай нарығындағы танымалдығын арттыруды көздеді.
Көрмеге Алматы облысынан 12 кәсіпорын қатысып, 150-ден астам өнім түрін – тағамнан бастап, биоқоспалар, ұн, құрама жем және шарапқа дейін – ұсынды. Жалпы 250 келіден астам өнім мен 1000-нан аса қаптама келушілер назарына ұсынылды.
Алматы облысынан қатысқан кәсіпорындар:
«Даулет-Бекет» ЖШС – түйе сүтінен жасалған құрғақ өнімдер;
«Сары-Бұлақ компаниясы» ЖШС – тауық жұмыртқасы мен құс еті;
«NEO MILK» ЖШС – бие, ешкі және түйе сүтінен жасалған биоқоспалар;
«GALANZ Bottlers» ЖШС – шай негізіндегі сусындар мен квас (300-ден астам бөтелке);
«Цесна» ЖШС – ұн және макарон өнімдері;
«АзияАгроФуд» АҚ (AAFD) – ұн, құрама жем, дәнді дақылдар, патока, глютен және кебек;
«Алматинский продукт» ЖШС – кондитерлік өнімдер (93 қаптама, 17 кг);
«Arba Wine» ЖШС – түрлі сорттағы шараптар (ақ, қызыл, газдалған, раушан түсті – 18 үлгі);
«Gold Product» ЖШС – шарап пен бренди (14 бөтелке);
«Байсерке Агро» ЖШС – ауыл шаруашылығы өнімдері бойынша таныстырылым.
Көрме қытайлық дистрибьюторлар, сауда желілері және HoReCa секторы өкілдері тарапынан үлкен қызығушылық тудырды. Қазақстандық өнімдердің табиғилығы мен сапасы жоғары бағаланды.
«NEO MILK» ЖШС директоры Аманбаев Болат Бейсенғалиұлы:
«Халықаралық көрмелерге қатысу – жаңа серіктестер табуға, өнімге деген сұранысты бағамдауға және шетел нарығындағы орнымызды нығайтуға тамаша мүмкіндік. Қытай нарығы өзінің ауқымымен және экологиялық таза өнімге деген сұранысымен ерекшеленеді», – деді.
Алматы облысы кәсіпкерлік және индустриялық-инновациялық даму басқармасының басшысы өз кезегінде бейтарап (шикізаттық емес) экспортты дамытуға бағытталған мемлекеттік бағдарлама аясында экспорттаушыларға қолдау көрсетуді жалғастыратындарын атап өтті. Оның айтуынша, мұндай халықаралық іс-шаралар өнім жеткізу географиясын кеңейтіп қана қоймай, өңірдің сапалы аграрлық және қайта өңдеу өнімдерінің орталығы ретіндегі имиджін де нығайтады.
Қорыта айтқанда, Алматы облысының кәсіпорындарының халықаралық көрмеге қатысуы нақты нәтижелерге қол жеткізді: жаңа байланыстар орнатылып, дистрибьюторлармен және ірі сауда серіктестерімен келіссөздер жүргізілді. Табиғи және экологиялық таза өнімдерге деген жоғары сұраныс өңірдің экспорттық әлеуетін Қытай нарығында кеңейтуге зор мүмкіндік ашты.
