Ол өзінің кәсіби жолын 1997 жылы Қазақ радиосында репортер ретінде бастаған. Көп жыл бойы Qazaqstan ұлттық арнасы мен «Хабар» агенттігінде спорт журналисі болып еңбек етті.
Диас Ахметшәріп — еліміздегі тұңғыш спорттық телеарна Qazsport-ты алғашқылардың бірі болып басқарған білікті маман. Ол Олимпиада ойындары, Азия ойындары мен Әлем чемпионаттарында шебер шолушы ретінде танылды. Сонымен қатар, Қазақстан құрамасының баспасөз атташесі қызметін де абыроймен атқарған.
