Прокуратура мәліметінше, жалпы құны 100 миллион теңгеден асатын көлік әкімшілік іс аясында тәркіленіп, мемлекет кірісіне өндірілмек болған. Алайда ол арнайы сақтау орнында тұрғанда бөлшектеліп, сатылып кеткен.
Бұған қоса, тәркілеуге жататын басқа да мүлікті жасыру фактісі анықталды. Қылмыстық іс материалдарына сәйкес, құны 8 миллион теңге тұратын «Mercedes E350» көлігі күдіктінің әкесіне уақытша сақтауға берілген. Кейін сот бұл көлікті де мемлекет пайдасына тәркілеу туралы шешім шығарған.
Алайда сот шешіміне қарамастан, көлік жасырып қойылған. Күдіктінің әкесі сақтау міндетін орындаудан бас тартқан.
Аталған заңбұзушылықтар бойынша сотқа дейінгі тергеу органдарына түпкілікті шешім қабылдау үшін тиісті құжаттар жолданды.
