Бұл жиын – Ассамблеяның 30 жылдығына орай ұйымдастырылған елеулі шаралардың бірі ретінде тарих бетіне жазылды.
Отырысты ашқан облыс әкімі, ҚХА облыстық филиалының төрағасы Марат Сұлтанғазиев қатысушыларды мерейтоймен құттықтап, бейбітшілік пен татулықтың маңызын атап өтті: «Тұрақтылық пен этносаралық келісім – ел дамуының негізі», – деді ол.
Кеңесте бірқатар маңызды мәселелер қаралды. Атап айтқанда, қоғамдық орынбасарлыққа Гамзе Гейдаров пен Амангелді Беспаев бірауыздан сайланды. Сонымен қатар, жаңа мүшелер Ассамблея қатарына қабылданып, белсенді азаматтар арнайы медальдармен және куәліктермен марапатталды.
ҚХА мүшесі Асылы Осман өз сөзінде: «Ассамблея – достық пен өзара құрметтің символы» деп атап өтіп, оның ел болашағындағы маңызын ерекше атады.
Жиын соңында Марат Сұлтанғазиев Ассамблеяның алдағы міндеттерін атап өтіп, этносаралық диалог пен отансүйгіштік тәрбиенің өзектілігіне тоқталды.
Қазақстан халқы Ассамблеясының 30 жылдығы – бұл тек мереке емес, елдің ынтымақ жолындағы жетістіктеріне баға беріп, болашаққа сенімді қадам жасауға мүмкіндік беретін маңызды кезең.
