Биылғы жылдың басынан бері жалпы көлемі 16 967 гектарды құрайтын жер телімдері мемлекетке қайтарылды.
Облыстық Жер қатынастары басқармасының хабарлауынша, 50 мың гектардан астам аумақтағы 446 жер учаскесі нысаналы мақсатына сәйкес пайдаланылмай отырғаны анықталған. Оның ішінде 2 486 гектар жер сот шешімімен, ал 14 481 гектардан астамы ерікті түрде мемлекет меншігіне өтті. Жер қайтаруда Жамбыл, Балқаш және Кеген аудандары алдыңғы қатарда тұр.
Сондай-ақ, жалға алу шарттарының сақталуына бақылау күшейтілді – шарт талаптарын бұзған 216 жер пайдаланушыға ескерту жіберілді. Қажет болған жағдайда істер сотқа жіберіледі.
Фото: pixabay.com
