Синоптиктердің мәліметінше, алдағы күндері Қазақстанның көптеген өңірінде ауа райы құбылмалы болады. Атмосфералық фронттардың өтуіне байланысты жаңбыр жауып, найзағай ойнайды, кей жерлерде қар мен көктайғақ күтіледі.
5 сәуірде еліміздің солтүстігінде, шығысында және орталығында жаңбыр аралас қар жаууы ықтимал. Шығыс пен оңтүстік-шығыстағы таулы аймақтарда кейде қатты жауын-шашын күтіледі.
6–7 сәуірде батыс, солтүстік-батыс, орталық, оңтүстік және оңтүстік-шығыс өңірлерінде жаңбыр күшейеді.
Сонымен қатар, тұман түсіп, желдің күшеюі, 5 сәуірде түнде солтүстік, шығыс және орталық өңірлерде көктайғақ болуы мүмкін.
Температуралық фон бойынша болжам:
-
Батыс өңірлерде:
Түнде +3…+8-ден +5…+12°С-қа дейін, күндіз +15…+22°С-қа дейін жылынады. -
Оңтүстік-батыста:
Түнгі температура +5…+10-нан +8…+13°С-қа дейін, күндіз +17…+25-тен +12…+20°С-қа дейін өзгереді. -
Солтүстік-батыста:
Түнде -3°С аяздан +13°С-қа дейін көтеріледі, күндіз +13…+20°С-тан +10…+18°С-қа дейін төмендейді. -
Солтүстік өңірлерде:
Түнде -5°С аяздан +7°С-қа дейін жылынады, күндіз +8…+15-тен +13…+20°С-қа дейін көтеріледі. -
Орталықта:
Түнде -5°С аяздан +10°С-қа дейін, күндіз +8…+15-тен +10…+20°С-қа дейін жылиды. -
Шығыста:
Түнгі ауа райы +2…+7°С-тен -1…-8°С-қа дейін төмендейді, ал күндіз +5…+12-ден +13…+20°С-қа дейін көтеріледі. -
Оңтүстікте:
Түнде +5…+13-тен +10…+17°С-қа дейін, күндіз +18…+25-тен +17…+28°С-қа дейін жылу сақталады. -
Оңтүстік-шығыста:
Түнде +3…+12°С, күндіз +10…+22-ден +15…+28°С-қа дейін көтеріледі.
Синоптиктер күн күрт құбылып, жауын-шашынмен қатар көктайғақ, тұман мен жел соғуы мүмкін екенін ескертіп, азаматтарды жолда абай болуға және ауа райы болжамдарын қадағалап отыруға шақырады.
