Көктемгі дала жұмыстарына 15,7 млрд теңге көлемінде несие бөлінді. Аграрлық несие корпорациясы арқылы фермерлерден 2,3 млрд теңгенің 56 өтінімі қабылданды. Сонымен қатар, өсімдік шаруашылығын қолдауға қосымша 3,4 млрд теңге бағытталды.
Шаруаларға тұқым, тыңайтқыш, жанармай және техника жеткізіледі. 4650 тонна жеңілдетілген дизель отыны (литрі – 250 теңге) үлестірілді. 16 000 тонна минералды тыңайтқыш жеткізіліп, қосымша 77 шаруашылық тағы 4 тонна тыңайтқыш сатып алуға ниет білдірді. Жалпы тыңайтқышты қолдану 25%-ға артады деп күтілуде. Облыста ауыл шаруашылығы техникасының 58%-ы 25 жылдан астам уақыт бойы қолданылып келеді. Осыған орай, 2025 жылы 665 жаңа техника сатып алу жоспарланған. Бұл ретте лизингтік бағдарламалар да қарастырылып отыр. Жер ресурстарын тиімді пайдалану үшін су үнемдеу технологиялары енгізілуде. Өңделетін жер көлемін 93,6 млн гектарға дейін жеткізу жоспарда бар.
Ауыл шаруашылығы басқармасының мәліметінше, науқанды қысқа мерзімде әрі тиімді өткізу – басты мақсат. Мемлекеттік қолдау егіс науқанының әр кезеңінде жалғасады.
Осылайша, мемлекеттік қолдау, техникалық жаңарту және заманауи агротехнологиялардың енгізілуі арқылы облыс агросекторы серпінді даму жолына түсіп, азық-түлік қауіпсіздігі мен аграрлық тұрақтылықтықамтамасыз етуде.
