Ведомствоның мәліметінше, алаяқтыққа қарсы іс-қимыл шеңберінде Anti-Fraud орталығының көмегімен ірі көлемдегі қаражаттың заңсыз айналымына тосқауыл қойылған.
«Қазақстан Республикасының Азаматтық кодексінің 953-бабына сәйкес, дропперлерден заңсыз жолмен иеленгені үшін 22 миллион теңгеден астам қаражат өндіріп алынды. Сонымен қатар, полиция органдарының ұсынысы негізінде 42,5 миллион теңгеден астам сомаға рәсімделген 32 жалған несиенің өндіріп алу процесі уақытша тоқтатылды»- делінген Полиция департаментінің хабарламасында.
Мамандардың айтуынша, интернет-алаяқтықтың түрлі тәсілдеріне қарсы кешенді шаралар жалғасып жатыр. Құқық қорғау органдары азаматтарды қырағы болуға және күмән тудыратын қаржылық операциялардан аулақ болуға шақырады.
