Еңбекшіқазақ ауданында ауқымды іздестіру-құтқару операциясы жүргізілді.
Іздестіру жұмыстары екі бағытта жүргізілді. Республикалық жедел-құтқару жасағының мамандары Бартоғай су қоймасына жетіп, маңайды мұқият тексергеннен кейін Шарын шатқалына қарай бет алды. Ал екінші топ Ассы үстіртіне қарай аттанып, дәл осы бағытта жоғалған отбасын тауып алды. Белгілі болғандай, олар қарға батып, өз бетінше қозғала алмай қалған. Абырой болғанда, ешқайсысы медициналық көмекке мұқтаж болмады.
Құтқару операциясына ТЖМ-нің 21 қызметкері, дрондар және арнайы үйретілген іздестіру иттері жұмылдырылды.
