Осыған орай, Қонаев әкімдігі әртүрлі салада еңбек етіп жүрген азаматтарды таныстыруды қолға алды.
Бүгінгі еңбек адамы – Гүлбаршын Қамбарова. Ол – бес баланың анасы. Бірнеше жыл бұрын үй жағдайында тосап, салат дайындап, жергілікті тұрғындарға сата бастаған. Уақыт өте келе кәсібін кеңейтуді көздеп, мемлекеттік грант ұтып алып, өз ісін ресми түрде бастады.
«Жасаған тағамдарыма «Ayim» деген атау беріп, брендке айналдырдым. Мемлекеттік гранттың арқасында дүкен ашып, қолдан жасалған тосап, салаттар, сусындар мен жеміс-жидектерді сата бастадым. Қазір тұрақты табысымыз бар. Жұбайым мен балаларым да бұл істе маған көмектеседі», – дейді кәсіпкер.
Гүлбаршын Қамбарова кәсіп бастағысы келетіндерге мемлекет ұсынған мүмкіндіктерді тиімді пайдаланып, әрекет етудің маңыздылығын атап өтті.
Айта кетейік, Қонаев қаласында 6 599 шағын және орта бизнес субъектісі тіркелген. Онда 16 930 адамжұмыспен қамтылған.
