Өткен сенбі күні «Таза Қазақстан» бағдарламасы аясында жалпы қалалық сенбілік өтті. Іс-шараға 80-нен астам адам қатысты. Олардың қатарында әкімдік қызметкерлері, коммуналдық қызмет өкілдері және еріктілер болды. Сенбілік барысында Арна шағынауданында қамыс ору жұмыстары жүргізілді.
Қаладағы қамыс шабу жұмыстарымен күнделікті «Жасыл қала Қонаев» ШЖҚ МКК айналысады.
Айта кетейік, Қонаев қаласынан күніне 5-7 текше метр қоқыс шығарылуда. Осыған байланысты, тұрғындарды қала тазалығын сақтауға және белгіленбеген орындарға қоқыс тастамауға шақырамыз.
Жыл басынан бері Қонаев қаласының полиция қызметкерлері ҚР ӘҚБтК-нің 505-бабы («Қалалар мен елді мекендердің аумақтарын абаттандыру қағидаларын бұзу») бойынша 133 азаматқа әкімшілік хаттама толтырды. Оның ішінде 10 адамға 589 800 теңге көлемінде айыппұл салынған.
Сонымен қатар, ҚР ӘҚБтК-нің 434-2 бабы («Ортақ пайдаланылатын орындарды ластау») бойынша 43 азаматқа 1 135 480 теңге көлемінде айыппұл салынды.
