Қарасай ауданының әкімдігі жылу барлық үйлерге, мектептерге 19:45-те толық қосылғанын хабарлады. Кезекші бригада күшейтілген режимде жұмысын жалғастыруда.
Айта кетейік, 22 қаңтар күні «19 км — Жамбыл» автожолының 10-шақырымында жол апаты болды. Audi көлігінің жүргізушісі қарсы жолаққа шығып, Toyota Camry көлігімен соқтығысқан. Соққының күшімен Toyota Camry жол жиегіндегі газ құбырына соғылып, оны зақымдаған.
Апат салдарынан Жамбыл-2 ауылының 3000 тұрғыны, Ұлан ауылының бір бөлігі және 19-шы шақырым аумағы газсыз қалды.
