«Кеген ауданындағы республикалық маңызы бар «Көкпек-Кеген-Түп» автокөлік жолының проблемалық құрылысы сонау 2017 жылы басталған», — деді тұрғындар.
Райымбек пен Кеген ауданының тұрғындары нәпақаларын мал шаруашылығымен және таксист болып табады. Ал жөндеу көрмеген қара жол такси жүргізушілерінің де, жолаушының да мазасын кетірді.
Аталмыш жолға жауапты «ҚазАвтоЖол» ҰК» АҚ Алматы облыстық филиалы өкілдері аталған құрылыстың созылып кеткенін мойындап отыр.
«ІскерТ» мердігер компаниясы жұмысты жөндеп жүргізбеуіне байланысты созылып кетті. Ауа-райы да ерте қыс түскеніне байланысты 15 км-дің 5 км ғана жасап үлгерді», – деді «ҚазАвтоЖол» АҚ директорының орынбасары Өмірзақ Ерембаев..
Райымбек, Кеген аудандарына арнайы іссапармен барған облыс әкімі шаңы шығып, ойқыш-ойқыш болып шың басына шыққанша шырқыңды бұзатын 10 шақырымдық Кеген асуымен өзі де жүріп өтті. .
«Минстрлікке хат жолданып, «ҚазАвтоЖол» ҰК» АҚ-ның жұмысын пысықтау керек болып тұр. Кеше бұл жолмен жүріп көрдік, жалпы алдындағы 15 шақырым, кейінгі бер жағындағы 49 шақырым да, тек қана орташа жөндеуден емес, күрделі жөндеуден өту керек деп есептейміз», – деді Алматы облысының әкімі Марат Сұлтанғазиев.
Енді жол жөндеуді қайта қолға алу үшін басқа да компаниялар конкурсқа түсіп жатыр дейді мамандар. Әзірге тендерге түскен тас жолдың мәселесі нақты шешімін тапқан жоқ
