Reuters агенттігі Израиль үкіметі Ливандағы атысты тоқтату туралы келісімді мақұлдағанын жазды, деп хабарлайды alataunews.kz.
Басылым мәліметінше, келісімге 10 адам дауыс берген, қарсы – 1. Бұл туралы Reuters агенттігі хабарлады.
АҚШ Ливанға келісім жергілікті уақыт бойынша таңғы сағат 4-те күшіне енетінін хабарлаған.
«Израиль АҚШ-тың бұл процеске қосқан үлесін бағалайды және өзінің қауіпсіздігіне төнген кез келген қауіпке қарсы әрекет ету құқығын өзіне қалдырады», — деді Израиль премьер-министрі Беньямин Нетаньяху.
АҚШ президенті Джо Байден өз сөзінде Израиль мен Ливанның премьер-министрлерімен телефон арқылы сөйлескенін айтты – олардың әрқайсы өз үкіметтері келісімді қабылдағанын хабарлады.
«Енді ХАМАС таңдау жасауы керек. Олардың жалғыз жолы — кепілге алынған адамдарды, соның ішінде олар ұстаған америкалық азаматтарды босату. Бұл үдеріс барысында әскери қимылдарын тоқтату қажет, бұл гуманитарлық көмекті ұлғайтуға мүмкіндік береді. Алдағы күндері Америка Құрама Штаттары Түркия, Мысыр, Катар, Израиль және басқа елдермен бірлесіп Газа секторында атысты тоқтатуға тағы бір әрекет жасайды», — деді Байден.
