27 қарашада Ресей Федерациясының Президенті Владимир Путин Қазақстан Президенті Қасым-Жомарт Тоқаевтың шақыруымен мемлекеттік сапармен елімізге келеді, деп хабарлайды alataunews.kz.
Ақорда мәліметінше, сапар барысында жоғары деңгейдегі келіссөздер өтіп, мемлекет басшылары Қазақстан мен Ресейдің ХХ Өңіраралық ынтымақтастық форумына бейнеконференция форматында қатысады.
28 қарашада Қасым-Жомарт Тоқаевтың төрағалығымен ҰҚШҰ Ұжымдық қауіпсіздік кеңесінің кезекті сессиясы өтеді. Жиын барысында аймақтық және халықаралық қауіпсіздікке қатысты маңызды мәселелер талқыланып, бірнеше құжатқа қол қойылады.
