Жетісу облысында көмір сақтайтын 34 тұйық пен қойма бар. Қазіргі кезде аудан-қалаларда тұрғындарға 120 мың тонна көмір сатылды. Қоймаларда тағы 22 тонна қор бар. Оған қоса тамыз айында жоспар бойынша әкелінуі тиіс 51 мың тонна қатты отынның 56% бүгінде тиелді.
Облыстық энергетика және тұрғын үй-коммуналдық шаруашылығы басқармасының мәліметінше, өңірге тәулігіне орташа есеппен 23 вагон немесе 1 587 тонна көмір түсірілуде. 18 тамыздағы мәлімет бойынша, 129 вагон немесе 8 901 тонна көмір жол үстінде. Жалпы көмір қоры негізінен Қаражыра мен Шұбаркөл кен орындарынан тасымалданады.
Аудан және қала әкімдіктерінің ақпараттарына сүйенсек, қазіргі кезде қоймалар мен тұйықтарда бір тонна көмірдің орташа бағасы — 13 000-17 500 теңге аралығында. Халыққа арнап қысқы маусымға көмір дайындау жоспарының орындалуына күн сайын тұрақты мониторинг жүргізіледі. Жергілікті әкімдіктер азаматтарға көмірді ертерек күн жылы кезде сатып алуға кеңес береді.
