Энергетика министрі Болат Ақшолақов пен «ҚазМұнайГаз» ҰК» АҚ басқарма төрағасы Мағзұм Мырзағалиев премьер-министрге әртүрлі отын түрлерінің қорлары, өндіріс жоспарлары мен жанар-жағармай материалдарының нарықтағы ахуалы туралы баяндады.
Кеңеске қатысушылар ішкі нарықты дизель және жанармай бекеті желілерін, ауыл шаруашылығы тауарын өндірушілерді, өнеркәсіп және көлік кәсіпорындарын дизель отынымен қамтамасыз ету туралы айтты. Баға белгілеу, импорт, Шымкент МӨЗ-інің қуатын ұлғайту және басқа да бірқатар мәселені талқылады.
Премьер-Министр отынның Қазақстаннан тыс жерлерге көп мөлшерде «шығарылуын» азайту үшін ішкі нарықта жанар-жағармай материалдарын сатуға мониторинг пен бақылауды күшейтуді тапсырды. Осыған байланысты үкімет басшысы жанар-жағармай материалдарын өткізуді есепке алу үшін станцияларды арнайы цифрлық жүйемен толық қамтуды тапсырды.
