Кеше Алматыдағы Әл-Фараби көшесінің бойында қаннен қаперсіз, жалаңаш күйде самокат мініп жүрген жұптың видеосы әлеуметтік желілерде таралды.
Жергілікті полиция қызметінің хабарлауынша, Алматы қаласының мамандандырылған ауданаралық әкімшілік сотында тыр жалаңаш самокат мінген 25 жастағы М. есімді азаматша мен 19 жастағы Г. есімді азаматқа қатысты сот отырысы өтті.
«Құқық бұзушыларды Бостандық аудандық полиция басқармасының қызметкерлері ұстады. Олардың әдепсіз әрекеттері ҚР ӘҚбК-нің 434-бабымен (Ұсақ бұзақылық) квалификацияланды. Істің материалдары сотқа жіберілді, оның шешімімен әрқайсысы 10 тәулікке әкімшілік қамаққа алынды», –деді Алматы қалалық ПД Жергілікті полиция қызметі басқармасының бастығы Ержан Ұзабаев.
Соңғы кездері мегаполисте киімсіз көше кезіп жүретіндер көбейген. Тұрғындардың бұндай әрекетке не себептен баратыны белгісіз.
Кеше көше аралап қыдырып жүрсе, бүгін алматылық жұп жұрттан кешірім сұрап, ақталып жатыр.
