Қасым-Жомарт Тоқаев пен Сердар Бердімұхамедов шағын құрамда келіссөздер жүргізіп, екі ел арасындағы әріптестікті талқылады, деп хабарлайды alataunews.kz.
Кездесу алдында «Оғызхан» сарайында Қазақстан Президентін ресми қарсы алу рәсімі өтті, онда мемлекет басшылары өз делегацияларын таныстырды.
Тоқаев Түрікменстан мен Қазақстан арасындағы санқырлы ынтымақтастықты дамытудағы жоғары деңгейдегі кездесулердің маңыздылығын атап өтіп, Түрікменстанды сенімді серіктес әрі туысқан ел деп атады. Ол екі елдің энергетика, көлік, логистика және мәдени-гуманитарлық салалардағы ықпалдастығының жалғасатынына сенім білдірді.
Сердар Бердімұхамедов те өз кезегінде, Түрікменстан Қазақстанмен стратегиялық серіктестікті одан әрі дамытуға бейілді екенін растады. Екі елдің сауда-экономикалық, мәдени-гуманитарлық байланыстарын нығайту бағытындағы өзара ынтымақтастығы талқыланды.
