«Қазір энергетикалық дағдарыс, азық-түлік дағдарысы қалыптасып жатыр. Осыған орай бізге реформалар керек. Бірінші реформа – әрине, ауыл шаруашылығында. Сүттен бастайық. Бізге ең алдымен статистиканы ретке келтіру қажет болады. Сүт жетіспейтіндігін мойындағанымыз жөн. Оның көлемін анықтап, тұрақты субсидияға кепілдік беру қажет», — деді Сауда және интеграция министрі Серік Жұманғарин.
Оның атап өтуінше, тауарлы-сүтті мал шаруашылығын дамыту қажет. Жем-шөп базасы жеткілікті шаруашылықтардың арасынан үздіктерін анықтау керек.
«Бұл мақсатта, яғни, мал басын молайтып, тауарлы-сүт өндірісін ұлғайту үшін арзан ақша бөлетін боламыз. Бұл мысалдардың бірі ғана. Сонымен қатар қызыл ет, құс етін өндіруде де осындай іс-шаралар керек. Бұл – реформа. Себебі нәтижеге қол жеткізу үшін мемлекеттік қаржыландырудың қатаң бағыты болады», — деді ол.
