«2024 жылғы 3 ақпанда Көкшетау, Шымкент, Алматы қалаларында ауаның ластануы бойынша қолайсыз метеорологиялық жағдай болады», — делінген синоптиктердің хабарламасында.
Қолайсыз ауа райы — атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, екпіні аз жел, тұман, инверсия) жиынтығы.
Синоптиктер 3 ақпанда Қазақстан аумағындағы синоптикалық жағдай мен қауіпті ауа райы құбылыстарының болжамын да ұсынды.
«Қазақстан аумағының басым бөлігінде атмосфералық фронталь бөліктері өтеді, соған байланыты ауа райы тұрақсыз болады, қар жауып, бұрқасын болжанады, республиканың батысында жаңбыр, қар түріндегі жауын-шашын болады, тұман, жел күшейеді, ал батыста көктайғақ болжанады», — деп хабарлады «Қазгидромет» РМК.
