Жоңғар-Алатау паркінің мемлекеттік инспекторлары кезекті рейд барысында 2 тамыз кешкі сағат 19:30 шамасында Тоқты мемлекеттік табиғи қаумалы аумағынан «Toyota Land Cruiser Prado» маркалы автокөлігін тоқтатқан. Көлікті тінту барысында жүк салғыштан 2 дана сібір тау текелерінің басы мен терісі және екі қапқа салынған 60 келіден астам ет табылды. Сондай-ақ екі шет ел азаматына тиесілі Mannlicher және Блейзер маркалы екі қару құралы тәркіленді. Көлікте Қазақстан азаматы және екі испан азаматы болған. Аталған факті бойынша тергеу басталды.
