Қыздың анасының айтуынша, учаскелік полиция қызметкері тінту жүргізген кезде оқушыны сипалаған. Содан кейін темекі шегетін достары туралы айтып беруді сұраған. Қызды полицейдің ұялы телефонына келіп түскен қоңырау сақтап қалғаны атап өтіледі.
«Оған қатысты ҚР ҚК-нің 122-бабы «16 жасқа толмаған адаммен жыныстық қатынас немесе сексуалдық сипаттағы өзге де әрекеттер» және 362-бабы, яғни «Билікті немесе лауазымдық өкілеттігін асыра пайдалану» бойынша сотқа дейінгі тергеп-тексеру амалдары жүргізіліп жатыр. Ол уақытша ұстау изоляторында қамалды», — деді Шымкент қалалық ПД.
Аталған учаскелік полиция қызметкерін жәбірленушінің құрбылары да танып, өздерін кездесуге шақырғанын айтқан. Құқық қорғаушы келтірген қалалық полиция департаментінің жауабында полиция қызметкері 2022 жылдың 8 ақпанында ішкі істер органдарынан жұмыстан шығып кеткені айтылады.
