Туыстарының айтуынша, жасөспірімді электр тогы соққан болуы мүмкін. Алғашында суыт хабар жеткізгендер осылай депті.
Ал қазір бұл істе бір «гәп» барын сезген Ағарудың туыстары тергеудің әділ өтіп, кінәлілердің жазаланғанын қалайды.
«Бұл жайт бойынша ҚР Қылмыстық кодексіне сәйкес сотқа дейінгі тергеп-тексеру жүргізіліп жатыр. Еңбек қағидасын бұзу салдарынан адам өліміне алып келген оқиға бойынша сот-медициналық сараптама тағайындалды. Аталған мекемеде санитарлық-эпидемиологиялық талаптар және өрт қауіпсіздігі сақталып жатыр ма, қауіпсіздік шараларын қаншалықты деңгейде қамтамасыз етті, қызметкерлердің жұмыс істеуіне қолайлы жағдай жасалды ма, жасалған жоқ па? Ол жағына әлі құқықтық баға берілетін болады», — деді Қаратау АПБ тергеу бөлімі бастығының орынбасары Аянхан Омаров.
Тергеу аяқталғанша фаст-фуд дәмханасының есігі мөрленіп, уақытша жабылған. Ағарудың туыстарының қолында экспертизаның алғашқы қорытындысы бар. Ондағы үш себептің бірінде «тоққа түсіп қайтыс болған» делінсе, біреуінде «белгісіз» деп көрсетіліпті. Нақты сараптама 20 күнде белгілі болады.
