Шара аясында арнайы жабдықталған көшпелі медициналық автобус қызмет көрсетіп, учаскеге келген азаматтарға тегін алғашқы медициналық тексерулер жүргізілді.
Акция барысында медицина қызметкерлері тұрғындардың қан қысымын өлшеп, жалпы денсаулық жағдайына қатысты алғашқы тексерулер жасады. Сонымен қатар азаматтарға скринингтік тексерулердің маңыздылығы, түрлі аурулардың алдын алу жолдары және салауатты өмір салтын ұстанудың пайдасы жөнінде кеңестер берілді.
Көшпелі медициналық автобус арқылы келген тұрғындар дәрігерлердің қабылдауынан өтіп, өз денсаулығы туралы маңызды ақпарат алды. Мамандар дұрыс тамақтану, тұрақты медициналық тексеруден өту, физикалық белсенділікті арттыру және зиянды әдеттерден аулақ болу бойынша пайдалы кеңестер берді.
Медицина мамандарының айтуынша, мұндай профилактикалық шаралар тұрғындардың денсаулық мәдениетін қалыптастыруға, аурудың алдын алуға және азаматтардың өз денсаулығына деген жауапкершілігін арттыруға мүмкіндік береді.
Акцияға қатысқан тұрғындар да бастаманы оң бағалады.
«Бүгін еліміз үшін маңызды күн. Мен де өз дауысымды бердім. Президентіміз аман болсын, тыныш заман болсын. Сонымен қатар референдум аясында бүгін денсаулығымызды да тексертіп жатырмыз, пайдалы кеңес алдым. Мұндай шаралар халыққа өте қажет», – дейді Өтеген батыр ауылының тұрғыны, зейнеткер Гүлмира Сауданова.
Осылайша, референдум күні тек саяси маңызды оқиға ғана емес, сонымен қатар тұрғындардың денсаулығына көңіл бөлінген, қоғам игілігіне бағытталған пайдалы бастамалармен де есте қалды.
