Құқық қорғаушы қайғылы оқиға туралы әлеуметтік желідегі парақшасына жазып, кінәліні жауапқа тартуды талап еткен. Автор жазбасында марқұм әйел ер адаммен 2015 жылдан бері некеде тұратынын, үш баласы барын айтады.
«Екі, үш, бес жастағы үш ұлдары бар. Оны талай рет ұрған. Балалары үшін күйеуін үнемі кешірді. 2-сі күні оның туған күні болды. Күйеуі қызғанатындықтан кафеге екеуі бірге барды», – деді әйелдің әпкесі.
Облыстық полицияның мәліметінше, кісі өлтіру оқиғасы 3 тамызға қараған түні болған.
«Қызылордалық ер адам мас күйінде әйелін ұрған. Ауыр дене жарақатынан 27 жастағы әйел қайтыс болды. Оқиға орнынан қашып кеткен 29 жастағы азаматты ұстау мақсатында жедел-тергеу тобы құрылды», — деді Қызылорда облысы ПД баспасөз қызметі.
Досының үйіне жасырынған күдікті ұсталып, қамауға алынды. Аталған факті бойынша ҚР ҚК 99-бабы 1-бөлігі «Адам өлтіру» бойынша сотқа дейінгі тергеу жүргізіліп жатыр.
