Музыканттар Аюсай визит-орталығына іргелес аумақтың тау баурайында өнер көрсетеді. Тегін концертті шатқалға келушілердің барлығы тамашалай алады.
QazaqGeography қоғамдық бірлестігінің қатысуымен өтетін концертті Аюсай визит-орталығы, ҚР Мәдениет және спорт министрлігі мен Іле-Алатау ұлттық паркі қолдауымен ұйымдастырып отыр.
Оркестр Құрманғазы, Дәулеткерей, Шәмші Қалдаяқов, Жорж Бизе, Леонард Бернстайн сияқты көрнекті қазақ және шетел композиторлардың шығармаларын орындайды.
Құрманғазы атындағы оркестрдің ғасырлық тарихы бар. Өнер ұжымының репертуар қоржынында 3500-ден астам туынды бар. 81 талантты музыканты бар оркестр жас дирижер Абылай Тілепбергеннің жетекшілігімен еңбек етіп жатыр. Ұжым осы уақытқа дейін әлемнің 80-ге жуық елін аралаған.
Концерт 20 тамызда сағат 14:00-де басталады. Өнер кеші 2 сағатқа жалғасады.
