«Қостанай облысында 13 мектеп жабылады. Себебі оқушы саны жетіспейді. Кейбір ауылдағы мектептердің жұмысы қаңтар айында тоқтаған. Өйткені онда бір ғана бала оқыған. Оқушы саны аз мектептер бірден жабылмайды», — дейді облыстық білім басқармасының мамандары.
Оқушы саны көбейіп қалар деген үмітпен уақыт беріледі. Олай болмаған жағдайда, орта мектеп негізгіге, ал негізгілер бастауыш мектепке айналады. Одан кейін де оқушы азайса, мекеме жабылып, қалған балалар өзге елді мекендегі мектептерге ауыстырылады. Көрші ауылға қатынау үшін арнайы автобус бар. Егер елді мекен шалғай болса, оқушылар мектеп жанындағы интернаттарда жатып оқуына мүмкіндік бар. Қазір облыс бойынша 20 мектеп-интернат бар.
«Жабылайын деп тұрған 13 бастауыш мектепте 2-3 бала ғана қалайын деп отыр. Себебі, бір де бір мектепті жабу жоспарда болмаған. Мысалға, Әулиекөл ауданындағы Целинный мектебін. Бірақ ауылдан халық кетейін деп отыр. 6 мектептің ішінде бір орта мектеп негізгі мектепке ауыстырылады. 5 негізгі мектеп бастауыш мектепке көшейін деп отыр», — деді Қостанай облысы білім басқармасының бөлім басшысы Қарлыға Исмурзина.
Бұған дейін Оқу-ағарту министрі Асхат Аймағамбетов министрліктің аппарттық жиналысында бес түлек бітірген мектептер туралы айтқан еді.
