Бұл туралы әдебиет зерттеуші ғалым, филология ғылымының кандидаты Мамай Ахетов Facebook парақшасында жазды.
«Алтынның сынығы да — алтын… Ұлының тұяғы, асылдың сынығы, қазақ мәдениетінің шырақшысы Мұрат Мұхтарұлы да бетін келмеске қарай бұрыпты. Қош, абзал аға, ақылды ұстаз! Алдыңнан жарылқасын!» — деп жазды ол.
Ақпаратты Алматы қаласы әкімдігінің Мәдениет басқармасы растады.
Мұрат Мұхтарұлы Әуезов 1943 жылы 1 қаңтарда Жамбыл облысы Мерке кентінде Мұхтар Әуезов пен Фатима Ғабитованың отбасында дүниеге келген.
М.В. Ломоносов атындағы Мәскеу мемлекеттік университетінің Шығыс тілдері институтын «Қытай филологиясы» мамандығы бойынша бітірді.
Соңғы қызметі 2003-2006 жылдары Қазақстан Республикасы Ұлттық кітапханасының бас директоры қызметін атқарды.
