2025 жылғы 28 тамыздағы №49 қаулыға сәйкес, банктер мен микроқаржы ұйымдары мұндай азаматтарға кемінде үш айға несие төлемдерін кейінге қалдыруға міндетті. Ең бастысы – бұл қызмет комиссиясыз және қосымша төлемсіз көрсетіледі.
Қашан беріледі?
Несиені кейінге қалдыру құқығы мынадай жағдайларда беріледі:
қарыз алушының соңғы екі айдағы орташа табысы өткен 12 айдағы кіріспен салыстырғанда 30 пайыздан көп төмендесе;
қарыз алушыға атаулы әлеуметтік көмек тағайындалса.
Қажетті құжаттар тізімі
Несиелік ұйымдардың негізсіз бас тартуын болдырмау үшін құжаттардың бірыңғай тізімі бекітілді. Қарызды кейінге қалдыру үшін мына құжаттардың бірі ұсынылуы қажет:
жұмыссыз ретінде тіркелгені туралы анықтама;
соңғы алты айдағы кірісі туралы мәлімет;
еңбек шартын тоқтату немесе ақысыз демалысқа жіберу туралы акт;
уақытша еңбекке жарамсыздық парағы;
жүктілік, босану, бала асырап алу немесе үш жасқа дейін бала күтімі бойынша демалысты растайтын құжат;
БЖЗҚ-дан үзінді көшірме.
Қаулының мақсаты
Бұл шаралар 2025 жылғы 30 маусымдағы заңды жүзеге асыру аясында қабылданған. Қаулының толық мәтіні Қаржы нарығын реттеу және дамыту агенттігінің ресми сайтында жарияланған.
Жаңа ереже қаржылық қиындыққа тап болған азаматтарға уақытша қолдау көрсетіп, олардың несиелік жүктемесін жеңілдетуге бағытталған.
