«Менің жеңіске жетуім ең бірінші жаттықтырушымның арқасы. Кішкентай кезімнен тәрбиелеп келе жатыр. Чемпионат оңай болған жоқ, бірақ жеңдім», — дейді Мун Яна.
Әлемнің 30 елінен келген мықтылар қатысқан байрақты додада Мун Яна қарсыластарынан басым түсті. Айта кетейік, әлемдік додада Қазақстан қоржынына жасөспірімдер 1 алтын, 5 күміс, 1 қола салды.
«Бәрі өте тамаша өтті. Қуанышымызда шек жоқ. Бірақ елге келгенде бізді ешкім құттықтамады. Билікте отырған ағайлар біздің еңбегімізді елесе екен деген өтініш айтқым келіп отыр», — дейді Мун Яна.
Мун Яна Вениаминовна Алматы қаласының тумасы. Жасөспірім болашақтағы арманын таэквандо спортымен ұштастырады.
