Ведомство мәліметінше, өзгерістердің негізгі мақсаты – абоненттерді биометриялық сәйкестендіру арқылы тіркеу және бір жеке тұлғаға 10-нан астам нөмір алу қажеттілігін растауды сұрату мүмкіндігін операторларға беру. Бұл шара, ең алдымен, байланыс қызметтері арқылы жасалатын алаяқтық пен өзге де құқық бұзушылықтардың алдын алуға бағытталған.
Ұсынылған өзгерістер аясында:
-
Ұялы байланыс операторлары абонентке 10-нан астам нөмірді тек қосымша ақпарат алған соң ғана ресімдей алады;
-
Абоненттік нөмірлерді биометриялық идентификация арқылы тіркеу қарастырылады;
-
Алаяқтық белгілері бар күдікті SMS-хабарламалар мен қоңыраулар туралы азаматтардың өтініштерін қабылдау тетігі енгізіледі;
-
Ұялы байланыс операторлары Ұлттық Банктің антифрод-орталығымен тығыз өзара іс-қимыл жасайды.
Министрлік бұл бастама қылмыстық мақсатта SIM-карталарды жаппай пайдалануды азайтып, байланыс саласындағы қауіпсіздікті арттыруға сеп болатынын атап өтті.
