Индустрия және инфрақұрылымдық даму министрлігінің 2023 жылғы 9 маусымдағы №422 бұйрығына сәйкес теміржол билеттерін сату мерзімі өзгертілді. Енді билеттер төмендегі шарттар бойынша сатыла бастайды:
- жолаушылар пойыздары үшін – сату режиміне немесе орындардың болуына қарай (бұрын осы кезең) жолаушылар пойызының, тікелей вагондардың қалыптасу немесе айналым пункттерінен, аралық станциядан пойыз жөнелтуге дейін кемінде 45-тен 1 тәулік бұрын пойыздың жөнелтілуіне дейін 45 күн болды);
- қала маңындағы пойыздар үшін – 10 күннен 1 күнге дейін (бұрын бұл пойыз жөнелтілгенге дейін 10 күн бұрын болатын).
Айта кетерлігі, билеттерді сату пойыздың жүруіне 10 минут қалғанда тоқтайды. Бұған дейінгі ереже бойынша пойыздың жүруіне 5 минут қалғанда тоқтатылатын.
«Бұрын жөнелтілетін пойызға билетті ауыстыру және қайта ресімдеу арқылы пойызға билеттерді сату жолаушының станцияға келуі мен оның станциядан кетуі арасындағы кемінде 1 сағаттық айырмашылықты ескере отырып жүзеге асырылады», — делінген бұйрықта.
Егер билет интернет-ресурстар, электронды терминалдар және фискалдандырылған билет сату кешендері арқылы берілсе, онда жол жүру құжатының сериясы немесе нөмірі көрсетіледі.
Сонымен қатар қазір мұндай билетке қауіпсіздік кодын қою талабы жойылды.
