Еске салсақ, 2026 жылғы 1 шілдеден бастап республикалық референдумда қабылданған жаңа Конституция ресми түрде күшіне енді. Осыған байланысты елдегі мемлекеттік мерекелер тізіміне де өзгерістер енгізілді.
Жаңа Конституцияның 94-бабының 2-тармағына сәйкес, енді 15 наурыз – Қазақстан Республикасының Конституция күні болып белгіленді. Осылайша, бұрынғыдай 30 тамыз емес, дәл осы күн мемлекеттік мереке ретінде аталып өтіп, қазақстандықтар үшін демалыс күніне айналады.
Ал тамыз айындағы демалыс күндерінің саны биыл да азаймайды. eGov порталында жарияланған мерекелер мен демалыс күндерінің күнтізбесіне сәйкес, 2026 жылдың тамыз айында сенбі және жексенбі күндері жалпы 10 күнге сәйкес келеді.
Осыған байланысты бес күндік жұмыс аптасымен еңбек ететін қазақстандықтар тамыз айында 10 күн, ал алты күндік жұмыс аптасындағылар 5 күн демалады.
Конституция күнінің күнтізбелік тұрғыдан өзгеруі жаңа Конституцияның күшіне енуімен байланысты жүзеге асқан маңызды құқықтық өзгерістердің бірі саналады. Енді елдің басты мемлекеттік мерекелерінің бірі жыл сайын 15 наурызда аталып өтеді.
