Оның айтуынша, қаржылық қауіпсіздікті қамтамасыз ету мақсатында базалық лицензиясы бар банктерге бірқатар шектеулер енгізу көзделіп отыр. Атап айтқанда, резидент еместерге, сондай-ақ банкпен ерекше байланысы бар тұлғаларға несие және өзге де қарыз өнімдерін беру тыйым салынатын болады.
«Базалық лицензиясы бар банктерге кейбір қауіпті операцияларды шектеуді ұсынамыз. Соның бірі — банкпен ерекше байланысы бар тұлғаларға қарыз беру. Қолданыстағы заңнамада екінші деңгейлі банктердің басшылығымен аффилиирленген тұлғалар нақты көрсетілген. Мұндай банктер әр тоқсан сайын есеп тапсырып, сол есепте байланысы бар тұлғаларды атап көрсетуі тиіс», – деп түсіндірді Олжас Қизатов Сенаттағы брифинг барысында.
