Кездесу АЭС құрылысы бойынша ықтимал ядролық технология жеткізушілерімен жүргізіліп жатқан бәсекелестік диалог аясында ұйымдастырылды.
Тараптар атом энергетикасы саласындағы ынтымақтастықтың болашағын, кадр даярлау, жергілікті өндірісті дамыту және бірлескен жобаларды іске асыру мәселелерін талқылады.
Қазақстан Республикасының Атом энергиясы жөніндегі агенттігінің төрағасы Алмасадам Сәтқалиев KHNP компаниясының заманауи реакторларды жобалау, салу және пайдалану тәжірибесіне тоқталып, халықаралық серіктестермен ашық әрі әділ диалог жүргізудің маңыздылығын атап өтті.
KHNP бас директоры Чухо Уанг Оңтүстік Кореяның тәжірибесін Қазақстандағы жобаларда қолдануға дайын екенін білдіріп, екіжақты ынтымақтастықты кеңейтуге мүдделі екенін жеткізді.
Аталған кездесу — Қазақстанда АЭС салу бойынша ықтимал серіктестермен жүргізілген келіссөздердің қорытынды кезеңі болды.
