Оның айтуынша, жаңартылған мамандықтар атласы металлургия, тау-кен өндірісі, машина жасау және құрылыс сияқты негізгі салаларды қамтиды.
«Металлургия мен тау-кен өндірісі саласында – смарт жүйелерді әзірлеуші, роботтандырылған тау техникасының операторы, ал машина жасауда – виртуалды прототиптеуші маманы, құрылыс саласында – Big Data талдаушысы мен «Ақылды үй» жобалаушысы сияқты заманауи мамандықтар пайда болды. Сонымен қатар, бизнес процестерді автоматтандыруға байланысты 40-тан астам мамандық қайта қаралып, жаңартылды», – деді Иран Шархан.
Сондай-ақ биыл машина жасау саласында тағы 8 жаңа мамандықтың енгізілетіні белгілі болды. Олардың қатарында 3D басып шығару және дәнекерлеу инженері, роботтандырылған бояу жүйелерінің операторы сияқты заманауи технологиялармен жұмыс істейтін мамандар бар.
Бұл жаңашылдықтар еңбек нарығындағы сұранысты ескере отырып, өндірістік саланың тиімділігін арттыруға және заманауи технологияларды меңгерген мамандар санын көбейтуге бағытталған.
