Қарақат Әбден бұған дейін еліміздің алты аймағында болып, тұрғындарымен жүздесті. Оның ішінде көп балалы аналармен, іскер әйелдермен, медицина және мектепке дейінгі білім беру мекемелерінің қызметкерлерімен де кездесті.
Алдағы уақытта Ұлытау, Қызылорда, Түркістан, Солтүстік Қазақстан облысының сайлаушыларымен кездесу жоспарланған.
«Аймақтарда 20 сайлауалды штаб жұмыс істейді. 2 мыңға жуық волонтер тартылды. Үгіт-насихат жұмыстары белсенді жүргізіліп жатыр. Өңірлердегі сенімді өкілдер сайлаушылармен кездесулер өткізіп жатыр. Тұрғындар мемлекеттің қоғамдық-саяси өміріне белсенді атсалысып жатыр», − деді кандидаттың республикалық штаб жетекшісі Арман Оразғұлов.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады.
19 қараша – республика бойынша тыныштық күні. Ал, 20 қарашада Президент сайлауы өтеді.
