Қазақстанда қант өндіретін 4 зауыт бар. Ресей қант тасымалдауды тоқтатқан соң, баға 2-3 есеге қымбаттады. Ал жергілікті қант өндірушілер шикізат болмағандықтан тығырыққа тірелді. Премьер-Министрдің орынбасарының Алматыға келгендегі мақсаты — әлеуметтік маңызы бар азық-түліктердің бағасын тұрақтандыру.
Азық-түлікті пойызбен тасымалдау құны 50% арзандайды. Өндірушілерге айналым және шикізат үшін қаражат беріледі.
«Өзбектер қазақтардың картобына сұраныс жасайды. Біз олардан жеміс-көкөніс алып, өзара келісім жасаймыз. Инфляцияның шарықтауына әсер еткен көктемде сатылатын көкөністер. Біз осы мәселені шешеміз. Бұл жағдайды қатаң бақылауға алдық. Биылғы болған сұмдықтар енді қайталанбайды», — деді Серік Жұманғарин.
Сауда және интеграция министрінің айтуынша, жақында қазақстандық билік Қырғызстан және Өзбекстан басшылығымен кездеседі. Басқосуда көрші мемлекеттермен сауда-саттықты дамытып, күнделікті маңызы бар әлеуметтік азық-түлік бағасын тұрақтандыратындарын айтты.
