Президенттің айтуынша, «жасанды интеллектінің қарқынды дамуы қазірдің өзінде халықтың, әсіресе, жастардың болмыс-бітіміне әсер етіп жатыр».
«Басқаша болуы мүмкін емес. Себебі, бұл үрдіс бүкіл әлемде қалыптасқан тәртіпті және адамдардың өмір сүру салтын біржола өзгертіп жатыр. Біз бұған дайын болып, батыл әрекет етуіміз керек. Әйтпесе, артта қалудың салдары қауіпті болады. Қазақстан үш жыл ішінде міндетті түрде жаппай цифрлы ел болу керек», — деді Тоқаев.
Осы мақсатқа жету үшін президент жаңадан жасанды интеллект министрлігін құруды тапсырды.
