Алматы облысының полиция департменті Талғар қаласының маңынан мәйіті табылған 30 жастағы ер адамға қатысты мәлімдеме жасады, деп хабарлайды alataunews.kz.
Алдын ала мәліметтерге сәйкес, ол асылу арқылы өз-өзіне қол жұмсаған. Марқұм 2024 жылдың 4 қазанында қайғылы қаза тапқан кәмелетке толмаған Шерзат Полаттың ағасы екені анықталды.
Хабарламада ол өзін Шерзаттың жанына жерлеуін сұраған екен.
«Тергеу барысында марқұм туыстарының біріне өзіне-өзі қол жұмсау туралы мессенджерде жіберген жазбасы анықталды. Хабарламада ол туысқандарымен қоштасып, жиенінің жанына жерлеуді сұрады. Бұл факті бойынша қылмыстық іс қозғалды. Қазіргі уақытта барлық жағдайларды анықтау үшін тергеу амалдары жүргізілуде», — делінген бейнероликте.
Сонымен қатар, полиция тек ресми дереккөздерге сеніп, жалған ақпарат таратпауды сұрады.
