Ит тарпа бас салып, таламақ болған қыздың денсаулығына зиян келтірілмеді. Бұл туралы Жамбыл ауданының әкімдігі мәлімдеді. Аталған оқиға Ұзынағаштағы базарлардың бірінде болды. Абырой болғанда көрген адамдар итті ажыратып алған.
Оқиға бойынша тиісті жұмыстар атқарылып жатыр. Базарда ит ұстап отырған азаматқа полиция бөлімі айыппұл салып, итті базардан алғызып тастады.
Сондай-ақ, базар әкімшілігіне мұндай жағдайларға жол бермеу керектігі туралы ескерту беріліп, Ұзынағаш ауылының әкімдігі базардағы саудагерлерге түсіндірме жұмысын жүргізді.
Айта кету керек, жыл басынан бері Жамбыл ауданында 620 ит ауланды. Соның ішінде Ұзынағашта 180 ит.
